विधानसभा रो नुवा साल मांय सरू व्हेवण वाळो सत्र पूरी तरह डिजिटल व्हेला। विधानसभा अध्यक्ष वासुदेव देवनानी शुक्रवार ने खबरनवीसां ने आ जाणकारी दीनी। वे स्पीकर रा तौर ऊं एक साल रा कामकाज रा बारा मांय मीडिया सागे बातचीत कर रह्या हा। देवनानी कह्यो के सदन री कार्यवाही ने डिजिटल बणावण रो काम ईं साल रा आखिर तांई पूरो व्हे जावेला। स्पीकर कह्यो के जनवरी 2025 ऊं विधानसभा मांय सगळा काम ऑनलाइन व्हे जावेला अर वन नेशन -वन एपलीकेशन रा तहत ई-विधान एप्लीकेशन काम ली जावेला। श्री देवनानी कह्यो के विधानसभा कने बणायी ज्यो कॉन्स्टिट््यूशन क्लब ई जनवरी 2025 ऊं सरू व्हे जावेला।