विधानसभा मांय गुरूवार ने कुछ नुवा ज़िला निरस्त करण रा मुद्दा माथे चर्चा व्ही। संसदीय कार्यमंत्री जोगाराम पटेल शून्यकाल रे दौरान व्ही चर्चा रे दौरान कह्यो के ज़िला बणावण या खत्म करण रो राज्य सरकार ने पूरो हक है। वे कह्यो के सरकार पूरी साफ़गोई, निष्पक्षता अर दूरगामी सोच सागे कुछ नुवा जिला खत्म करण रो फैसलो कीनो है। गृह राज्यमंत्री जवाहर सिंह बेढम नुवा जिलां रा मुद्दा माथे व्ही चर्चा रो ब्यौरो देता थकां कह्यो के विपख कने कोई सोच अर मुद्दो नी है। वे कह्यो के मौजूदा सरकार जनता री मांग परां ही नुवा ज़िलां रा ओजू परिसीमन रो फैसलो कीनो है।सदन मांय चिकित्सा अर स्वास्थ्य मंत्री गजेन्द्र सिंह खींवसर बतायो के प्रदेश मांय राजमैस सोसायटी रा तैत 22 मेडिकल कॉलेज खोली ज्या है। वे कह्यो के प्रतापगढ, राजसमंद अर जालौर मांय मेडिकल कॉलेज पीपीपी मोड माथे चलाया जावेला। एक और सवाल रा जवाब मांय खींवसर भरोसो दिरायो के साइबर थानां कानी ऊं रपट दर्ज करण मांय आना-कानी करण वाळां रे खिलाफ कार्रवाई करी जावेला।