विधानसभा अध्यक्ष वासुदेव देवनानी युवावां सूं स्वस्थ, सुरक्षित अर हरित भविष्य खातर जिम्मेदारी ऊं कदम बढ़ाबा ने कह्या। श्री देवनानी कह्या के म्हा सगळा ने पर्यावरण संरक्षण माथे चर्चा कर इण रो ब्ल्यू प्रिंट तैयार करणो चाहिजे। श्री देवनानी शुक्रवार ने विधानसभा मांय राष्ट्रीय पर्यावरण माथे सरू व्ही दो दिन री युवा संसद रा उद्घाटन सत्र ने सम्बोधित कर रह्या हा। विधानसभा अध्यक्ष कह्या के पर्यावरण संकट केवल एक देश रो मुद्दो नी है बल्कि पूरी मानवता रो साझो दायित्व है, इण हालात मांययुवा शक्ति ने आगे आ र हरित भविष्य खातर काम करणो चाहिजे। वे कह्या के नवाचारां रे सागे म्हाने पाणी, प्रकृति अर प्राकृतिक संसाधनां सूं प्रेम करणो चाहिजे। इण खातर चर्चा रे सागे कारगर कदम उठाणा पडेला। दो दिन री इण युवा संसद मांय देश रा केई राज्यां रा विश्वविद्यालयां रा पढनियां भाग ले रह्या है।