विधानसभा अध्यक्ष वासुदेव देवनानी दीतवार ने अजमेर, ब्यावर अर पाली ज़िला रा दौरा माथे रह्या। ई दौरान वणा न्यारा-न्यारा कार्यक्रमां मांय सिरकत करी। वणा अजमेर रा हरिभाऊ नगर रा नुवां पुलिस थाणा रो उद्घाटन कर्यो। ब्यावर मांय वणा ज़िला अस्पताल सारू दीरी ज्यी भूमि रो पूजन कर ने नींव धरी । ई दौरान ज़िला कलेक्टर बतायो के जिला अस्पताल सारू 30 बीघा जमीन आवंटन रे साथै ई मेडिकल कॉलेज सारू ई जमीं रिजर्व करी ज्यी है। वठे पाली मांय श्री देवनानी अखिल भारतीय विद्यार्थी परिषद रा 60 वां प्रान्त अधिवेशन रो उद्घाटन कर्यो। वणा शिक्षा ने रोजगार देवण वाळी बणावण माथे जोर दियो।