विधानसभा अध्यक्ष वासुदेव देवनानी विधानसभा उपचुनाव मांय चुण र आया सात विधायकां ने विधानसभा मांय वां रा कमरा मांय सदन री सदस्यता री शपथ दिरायी। सात ई विधायक हिंदी मांय शपथ लीनी। ईं मौके विधानसभा अध्यक्ष शपथ लेवण वाळा सगळा नुवा विधायकां ने बधाई अर शुभकामनावां देता थकां कह्यो के विधायकां ने सदन री गौरवशाली परम्परा, गरिमा अर मर्यादा री पालना करणी चाहिजे। शांता अमृतलाल मीणा सलूंबर ऊं, सुखवंत सिंह रामगढ़ ऊ, राजेंद्र भाम्बू झुंझुनूं ऊ, अनिल कुमार कटारा चौरासी ऊं, रेवंतराम डांगा खींवसर ऊं, राजेंद्र गुर्जर देवली-उनियारा ऊं अर दीनदयाल दौसा विधानसभा हलका ऊं चुण्या जावण परां विधानसभा सदस्य री शपथ लीनी।