विधानसभा अध्यक्ष वासुदेव देवनानी कह्यो है के नौजवानां रा मज़बूत कंधां माथे देश रो भविष्य है। वे बुधवार ने विधानसभा मांय राष्ट्र मण्डल संसदीय संघ री राजस्थान शाखा री ओर ऊं राख्यी ज्यी राज्य स्तर री विकसित भारत युवा संसद मांय बोल रह्या हा। श्री देवनानी कह्यो के भारत रो संविधान देश री ताकत रो केन्द्र है अर इण री हिफाजत सगळां री ज़िम्मेदारी है। वे विकसित भारत बणावण सारू संविधान रे अनुसार चालण री ज़रूरत माथे ज़ोर दीनो। प्रदेश रा सगळा ज़िलां मांय राख्यी ज्या युवा संसद कार्यक्रम मांय चुणी ज्या 140 जणा राज्य स्तर री युवा संसद मांय विचार बताया। इण मांय चुण्यी ज्या तीन बेहतरीन प्रतिभागियां ने राष्ट्रीय युवा संसद मांय शिरकत करण रो मौको मिलेला।