विधानसभा अध्यक्ष वासुदेव देवनानी कह्यो है के सदन रो मान बणायो राखण री जिम्मेदारी सत्ता पख अर विपख दोन्यू रो है। वे सोमवार ने विधानसभा मांय व्ही सगळी पार्टियां रा नेतावां री मीटिंग मांय बोल रह्या हा। देवनानी सगळी पार्टियां रा नेतावां ऊं सदन री कार्यवाही शांति सागे चलावण अर सकारात्मक चर्चा मांय मदद करण री अपील कीनी। फोन टैपिंग मामला रे कारण सदन मांय आयी अड़चन ने खत्म करण रा मकसद ऊं बुलायी ज्यी ईं मीटिंग मांय देवनानी सदस्यां री ओर ऊं उठायी ज्या मुद्दा माथे विगतवार चर्चा कीनी। ईं पाछे खबरनवीसां सागे बातचीत करता थकां विपख रा नेता टीकाराम जूली सरकार ऊं मंत्री किरोड़ी लाल मीणा कानी ऊं सरकार माथे लगायी ज्या आरोपां रा मामला माथे सदन मांय जवाब देवण री मांग कीनी।
दूजी कानी संसदीय कार्यमंत्री जोगाराम पटेल खबरनवीसा सागे बातचीत मांय कह्यो के विपख ने सदन री कार्यवाही चलावण मांय मदद करणी चाहिजे। ध्यानजोग है के राज्य रो माली साल 2025-26 रो बजट 19 फरवरी ने पेश कर्यो जावेला।