वित्त मंत्री दिया कुमारी विधानसभा मांय बुधवार ने संवारे 11.00 बज्यां राज्य रो माली साल 2025-26 रो बजट पेश करेला। वे आज बजट ने फाइनल कीनो। ईं मौके अतिरिक्त मुख्य सचिव अखिल अरोड़ा, प्रमुख शासन सचिव देबाशीष पृष्टि, शासन सचिव नवीन जैन, शासन सचिव कुमारपाल गौतम अर निदेशक, बजट बृजेश किशोर शर्मा मौजूद हा। राज्य री मौजूदा सरकार रो ओ दूजो बजट है। बजट ऊं नौजवानां, किसानां अर महिलावां समेत न्यारा-न्यारा तबकां ने केई ऐलाण री उम्मीद है। भीलवाड़ा ज़िला रा एक किसान कह्यो के बजट मांय किसान क्रेडिट कार्ड रे ज़रिए लिया ज्या कर्ज़ माफ़ करण अर खाद-बीज टेम सर मुहैया करावण री व्यवस्था करण रा ऐलाण कर्या जावणा चाहिजे। पाली मांय सी.ए. कर रही छात्रा लहर रोहट मांय बेगा ऊं बेगा कारखाना लगावण ऊं जुड़्या ऐलाण री उम्मीद जतायी।