वर्धमान महावीर खुला विश्वविद्यालय कोटा राजस्थान पी.टी.ई.टी. परीक्षा रा नतीजा रो ऐलान कर दीनो है। इण ऊं राज्य रा 900 ऊं बत्ता बी.एड. काॅलेजां मांय दाखिला दिया जावेला। उपमुख्यमंत्री अर उच्च शिक्षा मंत्री प्रेमचन्द बैरवा जयपुर मांय वी.एम.ओ.यू. रा क्षेत्रीय कार्यालय ऊं नतीजा जारी कीना। ईं मौके वे अव्वल रह्या विद्यार्थियां ने फोन कर र बधाई दीनी। राजस्थान स्टेट ओपन स्कूल ई 10वीं अर 12वीं कक्षा री परीक्षा नतीजा रो ऐलाण कर दीनो है। शिक्षा मंत्री मदन दिलावर जयपुर रा शिक्षा संकुल ऊं नतीजा जारी कीना। अप्रैल-मई 2026 मांय र्भी इं परीक्षा मांय करीब 83 लाख विद्यार्थी बैठ्या। राजस्थान स्टेट ओपन स्कूल री सचिव डाॅ. अरूणा शर्मा बतायो के ओपन स्कूल नियमित स्कूल शिक्षा हासिल नी कर सक्या विद्यार्थियां री पढ़ाई करावण रा मकसद ऊं काम करे है। वे कह्यो के ओपन स्कूल छोड़ देवण वाळा बच्चां री तादाद कम करण मांय ई मददगार साबित व्हे रह्या है। वे कह्यो के आन डिमाण्ड परीक्षा करावण रा हलका मांय स्टेट ओपन बोर्ड देश मांय अव्वल रह्यो है।