वन मंत्री संजय शर्मा कह्यो है के राज्य मांय मध्यप्रदेश अर उत्तराखंड ऊं बेगा ई टाइगर लाया जावेला। वे बुधवार ने कोटा मांय खबरनवीसां सागे बातचीत कर रह्या हा। जलदाय मंत्री कन्हैयालाल चौधरी आज डूंगरपुर मांय जल जीवन मिशन रा तैत कर्या जा रह्या कामां रो जायजो लेवण सारू अहलकारां सागे मीटिंग कीनी अर वां ने ज़रूरी हुकम दीना। पशुपालन मंत्री जोराराम कुमावत ई पाली ज़िला रा सुमेरपुर मांय जणसुनवाई कीनी अर अहलकारां ने समस्यावां रा बेगा निपटारा सारू ज़रूरी हुकम दीना। श्री कुमावत सांडेराव मांय ढांढां रा अस्पताल रो ई दौरो कीनो।