लोक परीक्षा-अनुचित साधन रोकथाम संशोधन बिल-2026 ने बुधवार ने लोकसभा पास कर दीनो। ईं बिल मांय पेपर लीक रा दोषियां ने दस साल तांई री कैद अर भारी जुर्माना रो प्रावधान करी ज्यो है। बिल माथे सदन मांय काल ऊँ चर्चा करी जा रही ही। कार्मिक, लोक शिकायत अर पेंशन राज्य मंत्री जितेंद्र सिंह कह्यो के बिल मांय बदलाव कानून ने और करड़ो बणावण अर तुरत न्याय दिरावण सारू करी ज्यो है। चर्चा रे दौरान व्ह्या हंगामा रे कारण सदन री कार्यवाही दो बार टाळणी पड़ी। ई पाछे लोकसभा अध्यक्ष ओम बिरला ओ बिल पास व्हेवण रो ऐलाण कर दीनो। अब ओ बिल संसद रा ऊपरी सदन राज्यसभा मांय विचार सारू पेश कर्यो जावेला।