लोकसभा मांय बुधवार ने बैंकर्स बुक्स एविडेंस विधेयक-2026 विपख रा हंगामा रे बीच बिना चर्चा रे पारित कर दियो। केंद्रीय वित्त मंत्री निर्मला सीतारामन ओ विधेयक सदन मांय पेश कर्यो। इण रो लगस बैंकां रा रिकॉर्ड सूं जुड़्या साक्ष्यां रा कानून ने मौजूदा डिजिटल बैंकिंग व्यवस्था रे मुजब बणाणो है। इण रे मार्फत बैंकिंग प्रणाली री हाल री जरूरतां रे मुजब कानूनी ढांचां ने आधुनिक बणायो जावेला। विद्येयक मांय ओ भी प्रावधान है के बैंकां रा रिकाॅर्ड री इलेक्ट्रोनिक या डिजिटल प्रति ने अदालत मांय वैध अर कानूनी साक्ष्य रा रूप मांय मान्यो जावेला। लोकसभा री कार्यवाही विपख रा शोर-शराबा री वजह ऊँ काल तांई रे वास्ते रोक दी गई। इण सूं पैली सदन री कार्यवाही नीट समेत दूजा मुद्दां माथे विपख रा हंगामा रे चालता बुधवार ने भी बार-बार रोकणी पड़ी। लोकसभा अध्यक्ष ओम बिरला प्रश्नकाल सरू करबा री कोशिश कर्या। वणा सगळा सदस्यां ऊँ संसद ने चोखी तरीका ऊँ चलाबा मांय इमदाद करबा री अरज करी।