लोकसभा अध्यक्ष ओम बिरला शुक्रवार ने जयपुर मांय भारत सोलर एक्सपो रो उद्घाटन कीनो। तीन दिन रो ओ आयोजन ऊर्जा विभाग अर राज्य सोलर एसोसिएशन री ओर ऊं कर्यो जा रह्यो है। ई मौके श्री बिरला कह्यो के आवता बगत मांय राजस्थान सूरज री रोशनी ऊं बिजली रा हलका मांय मोटो हब बणेला। वे कह्यो के नवीकरणीय ऊर्जा रा हलका मांय राज्य मांय चोखो काम व्हे रह्यो है। ईं आयोजन मांय डोढ़ सौ ऊं बत्ती स्टॉलां रे मार्फत नुवी सौर अर नवीकरणीय ऊर्जा प्रौद्यौगिकियां रो दरसाव कर्यो जा रह्यो है। राज्यपाल हरिभाऊ बागड़े “विकसित भारत“ बणावण सारू सगळां ऊं “राष्ट्र प्रथम“ री सोच सागे मिल र काम करण बाबत् कह्यो है। श्री बागड़े शुक्रवार ने जयपुर मांय ’द ढूँढाड़ टॉक‘ कार्यक्रम मांय बोल रह्या हा। ईं मौके वे कह्यो के नौजवानां ने देश रा भला ने कर्तव्य मानता थकां विकास मांय भागीदार बणणा चाहिजे।