लोकसभा अध्यक्ष ओम बिरला दीतवार ने कोटा मांय विजय रन ने हरी झंडी दिखा र रवाना कर्या। ई मौके वणा कह्यो के ओ कार्यक्रम नी फगत स्वास्थ्य रे प्रति जाग जगावण रो असरदार जरियो है बल्कि वीर सैनिकां ने श्रद्धांजलि अपर्ण करण अर वां री गौरव गाथां ने साझां करण री अनूठी कोशिश की है। श्री बिरला दीतवार ने ई कोटा मांय जनसुनवाई ई करी। वणा अहलकारां ने ई दौरान मिली समस्यावां ने तुरत निपटावण रा निर्देश दिया। श्री बिरला अलकारां ऊं कह्यो के गांवांई हलकां रा रहवासियां री समस्यावां रो निपटारों वठा रा थर माथे करण सारू वीडियो कॉन्फ्रेन्सिंग री मार्फत बरोबर जनसुणवाई करी जावे। जिण ऊं लोगां ने जिला मुख्यालय आवण री जरूरी नी पडेला। श्री बिरला ई दौरान खबरनवीसां ऊं ई बतळ करी। वणा बतायो के मुकुंदरा अभ्यारण्य मांय बाघां रे साथै ई चीताई बसावण सारू सरकारी थर माथे कोशिश करी जाय री है।