रेल मंत्री अश्विनी वैष्णव रो काल बीकानेर रा दौरा रो कार्यक्रम है। वे लालगढ़-साबरमती एक्सप्रेस रेलगाड़ी ने हरी झंडी बता र रवाना करेला। ईं गाड़ी ऊँ गुजरात अर राजस्थान मांय सैर-सपाटा री खास-खास ठौड़ां सीधो संपर्क व्हे सकेलार्। इं पाछे केन्द्रीय मंत्री जयपुर पूग र खातीपुरा रेलवे टेशन ऊँ जयपुर-दरभंगा अमृत भारत एक्सप्रेस रेलगाड़ी ने रवाना करेला। श्री वैष्णव रो खातीपुरा टेशन माथे मेगा काॅचिंग टर्मिनल रो उद्घाटन करण रो ई कार्यक्रम है। श्री वैष्णव 41 नन्हा अर मझोला टेशनां माथे प्लेटफाॅर्म ने मोटा बणावण रा काम अर 16 टेशनां माथे एकीकृत यात्री सूचना प्रणाली ई जनता ने सूंपेला। वां रो प्रदेश रा न्यारा-न्यारा रेलवे टेशनां माथे मुसाफिरां सारू विकसित करी ज्या सुबीता जनता ने सूंपण रो ई कार्यक्रम है।