सड़क सुरक्षा अर यातायात नियमां री जागरुकता सारू मनाया जावण वाळां राष्ट्रीय सड़क सुरक्षा माह रे तैत बुधवार ने ई प्रदेश मांय न्यारा-न्यारा कार्यक्रम व्ह्या। जयपुर मांय राजस्थान पुलिस अकादमी मांय दो दिन रो राज्य थर रो क्षमता संवर्धन प्रशिक्षण कार्यक्रम बुधवार ने सरू व्ह्यो। आर.पी.ए. रा निदेशक एस. सेंगाथिर बतायो के इण रे तैत प्रशिक्षकां सड़क हादसां मांय कमी लावण, यातायात वन्दोवस्त सरल अर हिफाजती बणावण रे साथै ई सड़क सुरक्षा नियमां री पालना माथे सिखावण दी जावे। अलवर मांय सड़क सुरक्षा माह रे तैत आज हेलमेट बाटी ज्या। वठे ई झालावाड मांय वाहन जागरुकता रैली निकाळी ज्यी। अजमेर मांय टैक्सी चालकां री आंख्यां री जांच करी ज्यी अर जरूरत मुजब अनुसार चश्मां बाटी ज्या।