राष्ट्रीय पोषण माह  रा तैत न्यारा-न्यारा कार्यक्रम राख र प्रदेश हाल तांई आठवीं ठोड़ माथे चाल रह्यो है। महिला अर बाल विकास विभाग रा शासन सचिव महेन्द्र सोनी गुरूवार ने जयपुर मांय वीडियो कांफ्रेन्सिंग रे मार्फत जिला उपनिदेशकां अर सीडीपीओ सागे “राष्ट्रीय पोषण माह-2024“ री समीक्षा बैठक मांय आ जाणकारी दीनी। सोनी जयपुर, जोधपुर अर उदयपुर समेत मोटा ज़िलां ने बेहतर काम करण रा हुकम दीना। लिस्ट मांय आखिरी पांच नम्बर वाळा बांसवाड़ा, टोंक, बाड़मेर, करौली अर नागौर जिला ने ई और बेहतर काम करण बाबत कही ज्यो। आईसीडीएस रा निदेशक ओ पी बुनकर बतायो के प्रदेश मांय ओ अभियान जनता रो आंदोलन बण ग्यो है अर ईं रा तैत काम करण मांय चूरू अव्वल, अजमेर दूजी अर हनुमानगढ़ तीजी ठोड़ माथे है। वे बतायो के महिलावां अर बच्चां रो बेहतर स्वास्थ्य अर पोषण तय करण सारू चलायी ज्या ईं अभियान मांय खून री कमी, शरीर री बधोतरी माथे निगरानी, पूरक आहार, पोषण भी पढ़ाई भी बेहतर शासन के लिए तकनीकी उपाय, पर्यावरण संरक्षण थीम्स हैं।