राष्ट्रीय आविष्कार अभियान रे तैत जोधपुर जिले री 29 पीएम श्री स्कूलां मांय पढेसरियां री कानी सूं न्यारा-न्यारा इनोवेशन कर्या जावेला। दो चरणां मांय चालण वाळा इण अभियान रे तैत इण बरस आं स्कूलां मांय गणित अर विज्ञान रा सर्किल भी बणेला। गणित अर विज्ञान रे सारू रचनात्मक दृष्टिकोण विकसित करणे खातिर पेले चरण मांय जिले मांय जिले री 24 अर दूजे चरण मांय पांच पीएम श्री स्कूलां ने चुण्यो गयो है। अभियान रे तैत सालभर न्यारी-न्यारी गतिविधियां राख्यी जावे है। इण मांय पढेसरियां ने देश विदेश रा विशेषज्ञ परामर्श देवे है। इनोवेशन खातिर केन्द्र सरकार री कानी सूं हर स्कूल मांय अलग सूं बजट मंजूर कर्यो गयो है। ध्यानजोग है के राष्ट्रीय आविष्कार अभियान रे तैत बणण वाळा गणित अर विज्ञान रा सर्कल मांय होवण वाळी ज्ञानवर्धक गतिविधियां सूं स्कूल रा पढेसरिया रे साथे शिक्षकां ने फायदो मिलेला।