राष्ट्रपिता री बरसी रे मौके आज वां ने सिरधा भाव सागे याद करी ज्या। ईं मौके श्रद्धाजंलि कार्यक्रम, सगळा धर्मा री प्रार्थना सभावां अर दूजा आयोजन राख्यी ज्या। प्रधानमंत्री नरेन्द्र मोदी नई दिल्ली मांय बापू री समाधि राजघाट माथे सिरधा रा फूल चढाया। राज्यपाल हरिभाऊ बागडे़ ई गांधीजी री मूरत माथे फूल चढ़ा र वां ने याद कीना। शहीद दिवस रे मौके राजभवन अर दूजा सरकारी दफ्तरां मांय दो मिनट रो मौन राख र बापू ने सिरधा भाव सागे याद करी ज्या। मुख्यमंत्री भजन लाल शर्मा जयपुर मांय वां रा दफ्तर मांय गांधी जी री मूरत माथे फूल चढा र गांधी जी ने याद कीना। अजमेर मांय ईं मौके सद्भावना यात्रा निकाळी ज्यी। कोटपूतली-बहरोड़, बांसवाड़ा, चित्तौडगढ़, झालावाड़, कोटा, पाली, बाडमेर, भरतपुर अर सवाईमाधोपुर समेत न्यारी-न्यारी ठोड़ा ऊं श्रद्धाजंलि कार्यक्रम राखण रा समाचार मिल्या है।