राष्ट्रपति द्रौपदी मुर्मू बेहतरीन काम करण वाळा नर्सां ने आज राष्ट्रपति भवन मांय राष्ट्रीय फ्लोरेंस नाइटिंगेल पुरस्कार दे र नवाज़ा। राष्ट्रीय फ्लोरेंस नाइटिंगेल पुरस्कार साल 1973 मांय स्वास्थ्य अर परिवार कल्याण मंत्रालय कानी ऊं सरु करी ज्यो हो। नर्सां अर नर्सिंग पेशेवरां कानी ऊं समाज री सराहवणा जोगी सेवा ने मान देवण सारु ओ ईनाम दियो जावे है। जयपुर रा सवाई मानसिंह अस्पताल मांय वरिष्ठ नर्सिंग अधिकारी राधे लाल शर्मा री सेवावां रो ई राष्ट्रपति राष्ट्रीय फ्लोरेंस नाइटिंगेल पुरस्कार दे र मान कीनो। वे ईं सारू सरकार रो धन्यवाद कीनो। ध्यानजोग है के राधे लाल ट्रोमा केयर अर अंगदान समेत सेहत ऊं जुड़्या न्यारा-न्यारा मुद्दां माथे जागरुकता कार्यक्रम ई चला रह्या है।