राज्य मांय 183 आर.ए.एस. अहलकारां रा तबादला कर दिया ज्या है। आवता दिनां व्हेवण वाळा निकाय अर पंचायत चुणाव ने ध्यान राखता थकां अहलकारां ने तुरत नुवी जिम्मेदारी संभाळबा रा हुकम दिया ज्या है। चुनाव सारू आदर्श आचार संहिता लागू व्हेवण ऊं पैली ई तबादला सूची जारी कर दीरीजी है। न्यारा-न्यारा ज़िलां मांय उपखंड अधिकारी, अतिरिक्त जिला कलेक्टर, सहायक कलेक्टर अर दूजा खास प्रशासनिक ओहदां री जिम्मेदारी नुवा अहलकारां ने सूंपी ज्यी है। महावीर खराड़ी, योगेश कुमार श्रीवास्तव, नरेश बुनकर अर डाॅ. अशोक कुमार ने जयपुर रा स्थानीय निकाय विभाग मांय तैनात करी ज्या है।