राज्य सरकार प्रदेश रा हर विधानसभा हलका मांय एक-एक सामुदायिक स्वास्थ्य केंद्र-सीएचसी ने मॉडल सीएचसी रा तौर ऊं विकसित करेला। सीएचसी माथे आवण वाळा मरीज़ां री तादाद ने ध्यान राखता थकां जनता रा नुमाइन्दां सागे बातचीत पाछे स्वास्थ्य विभाग ई सारू पात्र सीएचसी तैय कर लीनी है। मॉडल सीएचसी मांय महिलावां अर बच्चां री बीमारियां रा जाणकार डॉक्टरां समेत न्यारा-न्यारा डॉक्टर सेवा देवेला। स्वास्थ्य विभाग मांय निदेशक-जनस्वास्थ्य आकाशवाणी ने बतायो के अठे मुफ़्त मिलण वाळी दवाइयां री तादाद ई बत्ती व्हेला। आं केंद्रां माथे जांच अर दूजा सुबीता ई मुहैया कराया जावेला।