राज्य सरकार न्यारा-न्यारा महकमां मांय 85 हजार ऊं बत्ता ओहदां माथे भर्ती री प्रक्रिया सरू कीनी है। गुरूवार ने राजस्थान लोक सेवा आयोग, राजस्थान कर्मचारी चयन बोर्ड, अधीनस्थ सेवा बोर्ड अर दूजी भर्ती एजेन्सियां री ओर ऊं मोटी तादाद मांय भर्ती सारू अधिसूचनावां जारी करी ज्यी। चतुर्थ श्रेणी कर्मचारी भर्ती रा 52 हजार 453 ओहदां सारू ऑनलाइन अर्जियां 21 मार्च ऊं 19 अप्रैल 2025 तांई दी जा सकेला। ईं सागे ई प्रहरी रा 803, सीनियर टीचर रा 2 हजार 129, चिकित्सा शिक्षा विभाग मांय असिस्टेंट प्रोफेसर रा 329 अर वरिष्ठ वैज्ञानिक अधिकारी रा 14 ओहदां माथे भर्ती व्हेला। ऊर्जा विभाग मांय 487 अर आरसीडीएफ रा 505 ओहदां माथे भर्ती री प्रक्रिया आवता महीना सरू व्हेला।