राज्य सरकार डिज़िटल प्लेटफाॅर्म माथे आधारित मुख्यमंत्री युवा सुयोग कार्यक्रम चलायो है। ई रा तैत नौजवानां रा नाम मण्डावण , सिखावण अर न्यारी-न्यारी योजनावां ऊँ जुड़ाव एकीकृत प्रणाली रे ज़रिये व्हे सकेला। इण रो मकसद नौजवानां ने नौकरी-धंधा रा मौकां ऊँ जोड़ र खुद रे पाण ऊबा करणो है। मुख्यमंत्री युवा सुयोग री पायलट परियोजना री सरूआत जयपुर कने बगरू विधानसभा हलका ऊँ करी ज्यी है, जिण ने आगे पूरा राज्य मांय बधायी जावेला। मुख्यमंत्री भजन लाल शर्मा आज वां रा रहवास ऊँ इण री सरूआत कीनी। ईं मौके वे नौजवानां सागे बातचीत ई कीनी। उपमुख्यमंत्री प्रेमचन्द बैरवा अर संसदीय कार्य मंत्री जोगाराम पटेल ई ईं मौके मौजूद हा।