चिकित्सा अर स्वास्थ्य मंत्री गजेन्द्र सिंह खींवसर कह्यो है के गांव-ढाणी तांई ईलाज रा सुबीता मुहैया करावण सारू नर्सेज अर पैरामेडिकल स्टाफ रा रीता ओहदां माथे बेगी ई नियुक्तियां करण री कोशिश कर रही है। श्री खींवसर सोमवार ने जयपुर मांय राजस्थान नर्सिंग काउंसिल परिसर मांय फ्लोरेंस नाइटिंगेल री मूरत रा अनावरण जळसा मांय बोल रह्या हा। वे कह्यो के चिकित्सा विभाग मांय महिलावां, दिव्यांग अर गंभीर बीमारियां रा मरीज कर्मचारियां रा तबादला माथे खास ध्यान दियो जावेला।
चिकित्सा मंत्री कह्यो के मुख्यमंत्री आयुष्मान योजना रा तैत दूजा राज्यां रा रेहवासियां ने राजस्थान मांय अर प्रदेश रा लोगां ने दूजा राज्यां मांय ईलाज रो सुबीतो मुहैया करावण बेगो ई पोर्टेबिलिटी रो सुबीतो दियो जावेला।