राज्य सरकार अक्षय ऊर्जा हलका मांय संयुक्त अरब अमीरात रे साथे तीन लाख करोड़ रिप्या रो समझौतो करयो है। मुख्यमंत्री भजनलाल शर्मा अर यूएई रा निदेश मंत्री मोहम्मद हसन अल सुवैदी री मौजूदगी मांय इण समझौता माथे हस्ताक्षर करी ज्या। ई निवेश ऊं आथूणी जिलां मांय 60 गीगावाट बूता री सोलर विंड अर हाइब्रिड परियोजना री थापना करी जाएला। मुख्यमंत्री कयो के यूएई रे साथे साझेदारी मांय लागू होवण वाळी ई परियोजना ऊं राजस्थान अक्षय ऊर्जा हलका मांय अगुआ राज्य बणेला। श्री शर्मा कयो के राज्य सरकार सार्वजनिक हलका रा उपक्रमां रे साथे 2 लाख 24 हजार करोड़ रिप्या रा एमओयू करया है। कोई 10 महीना रा कामकाज मांय 32 हजार मेगावॉट रा संयंत्र लगावण रा एमओयू हस्ताक्षर करी ज्या है। मुख्यमंत्री ईं दौरान यूएई रा निदेश मंत्री ने आवता 9 ऊं 11 दिसम्बर तांई जयपुर मांय होवण वाळा राइजिंग राजस्थान ग्लोबल इन्वेस्टमेंट समिट सारू न्यौता है।