राज्य सरकार्र इं चैमासा मांय 10 करोड़ ऊँ बत्ता पौधा रोपणो तैय कीनो है। ई सारू पौधा लगावण रो काम मिशन मोड माथे चलायो जा रह्यो है। मुख्य सचिव वी. श्रीनिवास बुधवार ने जयपुर मांय सचिवां री समिति सागे मीटिंग मांय आ जाणकारी दीनी। वे न्यारी-न्यारी योजनावां, हरियालो राजस्थान अभियान अर शहरी अर ग्रामीण सेवा शिविरां रा काम रो जायजो लीनो अर जरूरी हुकम दीना। मीटिंग मांय वन विभाग रा अहलकार बतायो के जयपुर बालोतरा, बाडमेर, झालावाड, अर कोटा जिला पौधा रोपण रा काम मांय अगाड़ी है। मुख्य सचिव बतायो के शहरी सेवा शिविरां मांय हाल तांई 28 हजार ऊँ बत्ता पट्टा दे दिया ज्या है,जद के ग्रामीण सेवा शिविरां रे जरिए 38 लाख ऊँ बत्ता लोगां ने फायदो दियो ज्यो है।