राज्य विधानसभा मांय शुक्रवार सूं दो दिन री युवा संसद शुरू व्हेला। विधानसभा अध्यक्ष वासुदेव देवनानी सदन मांय दीप जला र युवा संसद री सरूआत करेला। श्री देवनानी कह्या के इण सूं प्रदेश रा मोटयारां ने राजनीति हलकां मांय काम करबा री प्रेरणा मिलेला। वे कह्या के भावी पीढ़ी ने देश री राजनीति सूं परिचित कराबा मांय यो कदम महताऊ साबित व्हेला। इण रे तैत युवा विधानसभा री कार्यप्रणाली ने समझ सकेला। इण दो दिन री युवा संसद मांय देश रा न्यारा-न्यारा राज्यां रा विश्वविद्यालयां मांय पढ़ रह्या युवा मौजूद रहवेला।