राज्य री सात विधानसभा सीटां माथे उपचुनाव सारु पर्चा दाखिल करण रो काम शुक्रवार ने पूरो व्हे ग्यो। निर्वाचन विभाग ऊं मिली जाणकारी रे मुजब दौसा, झुन्झुनू, देवली-उनियारा, खींवसर, सलूम्बर, चौरासी अर रामगढ़ सीटां माथे व्हे रह्या उपचुनाव बाबत् 97 पर्चा दाखिल करी ज्या। सब ऊं बत्ता 21-21 नामपाना दौसा अर झुन्झुनू सीट सारु भरी ज्या। कांग्रेस री ओर ऊं सलूम्बर सीट ऊं रेशमा मीणा, चौरासी ऊं महेश रोत, दौसा ऊं दीनदयाल, देवली उनियारा ऊं कस्तूर चन्द मीणा, झुन्झुनू ऊं अमित ओला, खींवसर ऊं सवाई सिंह चौधरी, रामगढ़ ऊं आर्यन जुबेर नामज़दगी रा पर्चा दाखिल कीना। भाजपा री ओर ऊं सलूम्बर सीट ऊं शान्ता अमृतलाल मीणा, चौरासी ऊं कारीलाल नानोमा, दौसा ऊं जगमोहन, देवली उनियारा ऊं राजेन्द्र, झुन्झुनू ऊं राजेन्द्र सिंह भांभू, खींवसर ऊं रेवंतराम, रामगढ़ ऊं सुखवंत सिंह पर्चां दाखिल कीना। खींवसर ऊं राष्ट्रीय लोक तांत्रिक पार्टी री उम्मीदवार कनिका अर चौरासी सीट ऊं भारत आदिवासी पार्टी रा अनिल कुमार कटारा मुकाबलो रोचक बणा दीनो है। नामपाना री जांच 28 अक्टूबर ने व्हेला , जद के नाम 30 अक्टूबर तांई नाम पाछा लिया जा सकेला। 13 नवम्बर ने वोट पड़ेला अर 23 नवंबर ने वां री गिणती करी जावेला।