राज्य री मौजूदा सरकार रा कामकाज रो एक साल पूरो व्हेवण रा सिलसिला मांय प्रदेशभर मांय मुख्यमंत्री आयुष्मान आरोग्य शिविर लगाया जावेला। सगळा प्राथमिक स्वास्थ्य केंद्रां अर सामुदायिक स्वास्थ्य केंद्रां माथे लगाया जावण वाळा अ शिविर 31 जनवरी तांई चालेला। चिकित्सा अर स्वास्थ्य विभाग री प्रमुख शासन सचिव गायत्री राठौड़ बतायो के आं शिविरां मांय एलोपैथी सागे आयुष तरीका ऊं ईलाज कर्यो जावेला। शिविरां मांय 37 भांत री जांचां मुफ्त करायी जा सकेला। श्रीमती राठौड़ शुक्रवार ने जयपुर मांय राख्यी ज्यी मीटिंग मांय आं शिविरां री तैयारियां रो जायजो लीनो अर जनता ने आं रा बारा मांय जाणकारी देवण रा हुकम दीना।