राज्य री भजन लाल सरकार रा कामकाज रो एक साल काल पूरो व्हे रह्यो है। लारला साल 15 दिसम्बर ने श्री शर्मा राज्य रा 14 वां मुख्यमंत्री बण्या हा। वां रो काल संवारे डीग ज़िला रा पूंछरी का लोठा मांय विकास रा न्यारा-न्यारा कामां री सरूआत रो कार्यक्रम है। ईं पाछे वे जयपुर रा जवाहर कला केंद्र मांय राज्य री मौजूदा सरकार रा एक साल रा कामकाज रा बारा मांय राज्य स्तर री प्रदर्शनी रो उद्घाटन करेला। वां रो अमर जवान ज्योति ऊं पुलिस री न्यारी-न्यारी गाड़ियां ने हरी झंडी बता र रवाना करण रो ई कार्यक्रम है। काल जयपुर रा सांगानेर री पिंजरापोल गौशाला मांय अंत्योदय सेवा शिविरां रा राज्य स्तर रा जळसा मांय न्यारी-न्यारी योजनवां अर कार्यक्रमां री सरूआत ई करी जावेला।