राज्य रा न्यारा-न्यारा ज़िलां मांय टाबरियां ने खुद री हिफ़ाजत करण री सिखावण देवण सारू शिक्षा विभाग री ओर ऊं सात दिन रा शिविर लगाया जा रह्या है। डीग जिला री सरकारी बालिका सीनियर सेकेंडरी स्कूल मांय लगाया जा रह्या शिविर मांय महिला शारीरिक शिक्षकां ने आ सिखावण दी जा रही है। म्हाणी खबरनवीस बतायो सिखावण लियां पाछे अ अध्यापिकावां वां री स्कूलां मांय टाबरियां ने खुद री हिफ़ाजत री सिखावण देवेला।