राज्य रा कुछ और हलकां मांय चौमासा री ईं रुत री बिरखा अब कम पड़बा लाग्यी है। मॉनसून वापसी रेखा अब चूरू, अजमेर अर माउंट आबू व्हेती निकळ रही है। हालांकि कोटा अर उदयपुर संभाग रा कुछ हलकां मांय 30 सितम्बर तांई बादळां री गाज़ सागे हल्की बिरखा व्हेवण रा आसार है। भरतपुर, जयपुर अर अजमेर संभाग रा ई कुछ हलकां मांय 27 ऊं 29 सितम्बर बीचे बारिश रा आसार है। ईं बीचे बांसवाड़ा ज़िला रा कुशलगढ मांय 74 मिलीमीटर बारिश दर्ज करी ज्यी। ईं बीचे टोंक ज़िला रा बीसलपुर बंधा मांय पाणी री आमद कम पड़ जावण रे कारण अब बंधा रा 5 दरुजा बंद कर दिया ज्या है अर अब केवल एक दरुजो 1 मिलीमीटर खोल र पाणी निकाळ्यो जा रह्यो है। त्रिवेणी नदी मांय ई अब पाणी रो लेवल उतरण लाग्यो है।