राज्य रा ऊगणी अर लंकाऊ-ऊगणी हलकां मांय भारी ऊं घणी भारी बिरखा रा आसार है। मौसम विभाग आवता दो दिन मांय कोटा, भरतपुर अर जयपुर संभाग मांय बिरखा सारू चेतायो है। कोटा, अजमेर, उदयपुर, जोधपुर अर बीकानेर संभाग मांय ई बारिश चालती रेहवण रो अनुमान है। लारला चैबीस घंटा मांय राज्य रा ऊगणी अर आतूणी हलकां मांय जोरदार पाणी बरस्यो। बांसवाड़ा मांय शुक्रवार ने ई संवारे ऊं ई बिरखा व्हे रही है अर माही बंधा मांय लगातार पाणी आ रह्यो है। भीलवाड़ा मांय ई छांटो- छिड़को व्हे रह्यो है। पाली ज़िला मांय सादड़ी, देसूरी अर नानबेड़ा समेत केई ठोड़ां लारला तीन दिन ऊं रूक-रूक र मेह बरस रह्यो है। ज़िला रा जवाई बांध समेत न्यारा-न्यारा बंधां अर तळावां मांय लगातार पाणी आ रह्यो है। मौसम केन्द्र जयपुर रा निदेशक राधेश्याम शर्मा बतायो के काल राज्य रा 39 ज़िलां मांय बारिश रो यलो अर जालौर अर सिरोही मांय आॅरेंज अलर्ट जारी करी ज्यो है।