कोटा, अजमेर, उदयपुर अर जयपुर संभाग रा कुछ हलकां मांय मंगलवार ने घणी जोरदार बिरखा रा आसार है। मौसम विभाग बुधवार ने राज्य रा 27 ज़िलां सारू बरसात रो येलो अलर्ट जारी कीनो है, हालांकि 13 अगस्त ऊं तेज़ बरसात मांय कमी री संभावना है। ईं बीचे सोमवार ने बारां, झालावाड़, कोटा अर नागौर मांय ज़ोरदार मेह बरस्यो। म्हाणा कोटा खबरनवीस बतायो के कालीसिंध अर परवन नदियां उफण रही है अर हाड़ौती अंचल मांय व्हे रही झमाझम बिरखा ऊं जिन्दगी माथे असर पड़्यो है। नागौर ज़िला मांय ई चोखी बिरखा व्ही है। वठे तेज बारिश ऊं केई ठौड़ां मकानां-दुकानां मांय पाणी भर ग्यो।