प्रदेश मांय ईं दफा हाल तांई चैमासा री बिरखा मंदी व्हेवण ऊं किसानां री चिंता बध ग्यी है। जल संसाधन विभाग रे मुजब हाल तांई केवल फलौदी ज़िला मांय घणी जोरदार बिरखा व्ही है, जदके बाड़मेर अर बीकानेर समेत 5 ज़िलां मांय बत्तो पाणी बरस्यो है। अजमेर, जोधपुर अर भरतपुर समेत 16 ज़िलां मांय सामान्य बारिश व्ही। जयपुर, कोटा अर उदयपुर समेत 19 जिलां मांय सामान्य ऊं कम पाणी बरस्यो है। आज श्रीगंगानगर जिला मुख्यालय सागे सूरतगढ़, सादुलशहर अर श्रीकरणपुर मांय चोखो मेह बरस्यो। भरतपुर मांय ई दोपहरां पाछे झमाझम बारिश व्ही। नदबई, उच्चैन, भुसावर, बयाना अर रूपवास हलका मांय ज़ोरदार बिरखा व्ही। आज भरतपुर, जयपुर अर बीकानेर संभाग रा कुछ हलकां मांय मझला ऊं तेज दर्जा री बारिश री संभावना है, हालांकि जोधपुर, उदयपुर अर कोटा संभाग रा कुछ हलकां मांय बारिश मांय आज ऊं ई कमी आवण रा आसार है।