राज्य मानवाधिकार आयोग चिकित्सा अर जनस्वास्थ्य सेवा निदेशक ने प्रदेश रा सगळा ज़िलां मांय लाईसेंसशुदा ब्लड बैंकां ऊं जुड़ी जाणकारी मांगी है। आयोग रा अध्यक्ष न्यायमूर्ति जी.आर. मूलचंदानी एक हुकम जारी कर र ब्लड बैंकां रा खून भेळो करण रा बूता, लाईसेंस प्रक्रिया अर वां ऊं जुड़्या दिशा-निर्देशां समेत न्यारा-न्यारा मुद्दां माथे जाणकारी देवण बाबत् कह्यो है। मामला री आगली सुणवाई 30 जनवरी 2025 ने करी जावेला।