सिंयाळा री सरुआत सागे ई राज्य मांय पारो लगातार उतर रह्यो है। माउंट आबू सागे चार-पांच और ठौड़ां न्यूनतम तापमान दस डिग्री सेल्सियस रा लेवल ऊं नीचे उतर ग्यो। आं मांय शेखावाटी हलका री घणखर ठोड़ां शामिल है। 14 और जगहां पारो 10 ऊं 12 डिग्री सेल्सियस बीचे नापी ज्यो। राजधानी जयपुर मांय ई रात री बगत तापमान और कम व्ह्यो है। दिन री बगत ई पारो 32 डिग्री सेल्सियस ऊं नीचे उतर ग्यो है। घणखर ठोड़ां तापमान सामान्य ऊं नीचे चाल रह्यो है। मौसम विभाग थावर तांई मौसम सूखो रेहवण रा आसार जताया है।