राज्य मांय परवाह थीम माथे मनाया जा रह्या सड़क सुरक्षा महीना रा तैत भांत-भांत रा कार्सक्रम राख्या जा रह्या है। भरतपुर मांय गाड़ियां चलावण वाळां ने वाहन चलाती बगत सावचेती राखण री राय दीरीजी। स्कूटर-मोटर साइकिल चलावण वाळां ऊं हेलमेट लगावण अर कारां-जीपां चलावण वाळां ने गुलाब रा फूल दे र सीट बेल्ट लगावण री अपील करी ज्यी। इण ऊं पैली मोटरसाइकिल रैली निकाळ र यातायात नियमां री पूरी पालना करण रो संदेश दियो ज्यो। करौली ज़िला रा श्री महावीर जी रा थानाधिकारी कैलाश सामरी कविता रे मार्फत हेलमेट लगावण री अपील कीनी। झालावाड़ मांय पुलिस अर ज़िला प्रशासन, परिवहन विभाग अर जनता री मदद ऊं 303 हेलमेट बांटी ज्या। नागौर मांय ज़िला कलेक्टर अरुण कुमार पुरोहित जागरूकता रैली ने हरी झंडी बता र रवाना कीनी। जैसलमेर ज़िला मांय पोकरण रा सरकारी कॉलेज मांय पी0पी0टी0 रे मार्फत सड़क सुरक्षा जागरूकता प्रजेन्टेशन दियो ज्यो अर सड़क सुरक्षा प्रश्नोत्तरी होड़ राख्यी ज्यी।