प्रदेश मांय गर्मी रो असर बधतो जा रह्यो है। राज्य रा आतूणी हलकां मांय केई ठोड़ां दिन री बगत तापमान 40 डिग्री सेल्सियस या ऊंचो दर्ज कर्यो जा रह्यो है। बाड़मेर मांय लारला तीन-चार दिन ऊं अधिकतम तापमान 40 डिग्री सेल्सियस ऊं ऊंचो चाल रह्यो है। ईं रे अलावा पिलानी अर चित्तौडगढ़ मांय ई गर्मी रो घणो असर महसूस करी ज्यो। मौसम विभाग रे मुजब एक और पश्चिमी विक्षोभ रा असर ऊं जोधपुर अर बीकानेर संभाग मांय आवता 48 घंटां रे दौरान तेज बायरो बाजण बादळा मंड्या रेहवण रा आसार है।