राज्य मांय आवता 2-3 दिनां मांय दिन अर रात रा तापमान मांय 2 सूं 4 डिग्री सेल्सियस तांई री गिरावट व्हे सके है। मौसम केन्द्र जयपुर रे मुजब प्रदेश रा उत्तरी हलकां मांय कठे-कठे कोहरो छायो रह सके है। इण बीच गुरूवार ने भी केई ठौड़ां माथे बादळ छाया रह्या अर कुछ एक ठौड़ां माथे हल्को मेह बरस्यो। धौलपुर मांय दोपहर पाछे ठण्डी हवां रे सागे बूंदाबादी व्ही। इण सूं ठण्ड बढ ग्यी। भीलवाड़ा, झालावाड़ अर सवाईमाधोपुर मांय बादळ छाया व्ह्या है।