राज्य निर्वाचन आयोग प्रदेश रा नगरीय निकाया मांय खाली पड्या पद माथे उपचुनाव करबा खातर चुनाव कार्यकम ऐलान कर्यो है। चुनाव कार्यक्रम रा ऐलान रे साथे ही इण सूं जुड्या निर्वाचन हलका मांय तुरंत प्रभाव सूं आचार संहिता लागू व्हे ग्यी। मुख्यनिर्वाचन अधिकारी अर सचिव संचिता बिश्नोई बताया के प्रदेश रा 11 जिला बारां, बीकानेर, चित्तौड़गढ़, चूरू, दौसा, धौलपुर, जालौर, गंगापुर सिटी, कोटा, श्रीगंगानगर अर अनूपगढ़ रा कुल 12 नगर निकायां मांय अध्यक्ष, उपाध्यक्ष अर सदस्य रा खाली पदां माथे उपचुनाव व्हेला।