राज्यपाल हरिभाऊ बागड़े थावर ने बीकानेर रा स्वामी केशवानंद राजस्थान कृषि विश्वविद्यालय रा स्थापना दिवस समारोह मांय शामिल व्ह्या। वे वठे ड्रोन प्रशिक्षण केन्द्र रो उद्घाटन कीनो। ईं मौके राज्यपाल कह्यो के ओ विश्वविद्यालय लारला चालीस साल मांय 28 हजार ऊं बत्ता विद्यार्थियां ने खेती-बाड़ी री सिखावण दीनी। श्री बागड़े कह्यो के विद्यार्थियां ने दिमागी तौर ऊं मज़बूत बणावणो आज रा बगत री सब ऊं मोटी जरूरत है।
ईं मौके केन्द्रीय कानून मंत्री अर्जुनराम मेघवाल कह्यो के एस.के.आर.ए.यू. ने इंडिया एआई मिशन खेती-बाड़ी ऊं जुड्यो सेंटर आॅफ एक्सीलेंस खोलण री मंजूरी दीनी है। ओ सेन्टर खोलण सारू करीब 20 करोड़ रुप्या रो खर्चो आवेला।