राज्यपाल हरिभाऊ बागड़े विश्वविद्यालयां ऊं विद्यार्थियां री बुद्धि विकसित करण सागे भारत री देशी ज्ञान परम्परा ऊं जुड़ी भणाई-लिखाई माथे ज़ोर देवण बाबत् कह्यो है। श्री बागडे बुधवार ने जयपुर मांय इंदिरा गांधी राष्ट्रीय मुक्त विश्वविद्यालय-इग्नू रा दीक्षांत समारोह मांय बोल रह्या हा। राज्यपाल कह्यो के भणाई रो कोई शोर्टकट नी व्हे है। श्री बागडे नकल रोकण, नौकरी लेवण वाळां री बजाए नौकरी देवण वाळा बणबा री सोच विकसित करण अर मुक्त शिक्षा प्रणाली रा तैत शिक्षा नी ले सक्या लोगां ने पढ़ाई सारू प्रेरित करण माथे ई जोर दीनो। इग्नू रा क्षेत्रीय केन्द्र जयपुर री निदेशक डॉ.ममता भाटिया बतायो के आज रा जळसा मांय क्षेत्रीय केन्द्र जयपुर रा साढे छह हजार विद्यार्थियां ने उपाधियां दीरीजी।
000