राज्यपाल हरिभाऊ बागड़े भणाई-लिखाई, स्वास्थ्य अर नौकरी-धंधा रा मौका मुहैया करावण माथे खास ध्यान देवण री ज़रुरत बतायी है। वे मंगलवार ने धौलपुर मांय ज़िला स्तर रा अहलकारां री मीटिंग मांय बोल रह्या हा। राज्यपाल “पढ़ाई, दवाई और गांव में ही कमाई“ रा सिद्धांत माथे ज़ोर दीनो। राज्यपाल सरकार री न्यारी-न्यारी योजनावां रा तैत कर्या जा रह्या कामां रो विभागवार जायज़ो लीनो। श्री बागड़े महिलावां ने मजबूत बणावण सारू स्वयं सहायता समूहां ने मजबूत बणावण अर वां रा उत्पादां री उचित मार्केटिंग बाबत् ई कह्यो। राज्यपाल करौली ई पधार्या। वां रो काल दौसा रो दौरो करण रो कार्यक्रम है।