राज्यपाल हरिभाऊ बागड़े बुजुर्गां ऊं वां रा अनुभव ने देश री बरकत सारू काम लेवण बाबत् कह्यो है। श्री बागड़े आज उदयपुर रा मोहनलाल सुखाडिया विश्वविद्यालय मांय राख्यी ज्या अखिल भारतीय वरिष्ठ नागरिक महासंघ रा राष्ट्रीय सम्मेलन मांय बोल रह्या हा। राज्यपाल स्वस्थ शरीर ने सब ऊं मोटो धन बताता थकां बुजुर्गां ऊं स्वास्थ्य रो ध्यान राखण बाबत् कह्यो। वे कह्यो के भारत मांय ब्रह्मचर्य, गृहस्थ, वानप्रस्थ अर सन्यास आश्रम री रीत है, वृद्धाश्रम री रीत नी है। राज्यपाल वृद्धाश्रम ने पश्चिमी देशां री रीत बतायी। ईं मौके राज्यपाल बुजुर्गां रो मान ई कीनो।