राज्यपाल हरिभाऊ बागड़े नशा मुक्त भारत अभियान रा तैत प्रदेश मांय ई असरदार कोशिशां करण माथे ज़ोर दीनो है। श्री बागड़े बुधवार ने लोकभवन ऊँ वीडियो काॅन्फे्रंस रे ज़रिये विश्वविद्यालयां रा कुल गुरूआं सागे बातचीत कर रह्ा हा। वे राज्य मांय मोटा पैमाना माथे अभियान चला र विश्वविद्यालयां कानी ऊँ गोद लिया ज्या गांवां मांय नशा री लत जड़ ऊँ खत्म करण सारू ठोस जतन करण रा हुकम दीना। राज्यपाल कह्यो के विश्वविद्यालयां रे आरे-सारे नशीली चीजां बेचण वाळां ने पकड़बा सारू कह्यो। राज्यपाल बतायो के नशाखोरी रे खिलाफ आखा देश मांय 2 अगस्त ऊँ 100 सप्ताह रो जनभागीदारी अभियान चलायो जावेला। युवा कार्य अर खेल मंत्रालय री ओर ऊँ नशा मुक्त युवा फाॅर विकसित भारत संकल्प अभियान चलायो जावेला। इण मांय हर दीतवार ने जीवण रा स्वस्थ तरीका ने बधावो देवण सारू खेलां री होड़ां, पैदल मार्च, ध्यान सत्र अर नुक्कड़ नाटक समेत भांत-भांत रा कार्यक्रम राख्या जावेला।