राज्यपाल हरिभाऊ बागडे भगवान महावीर रा अहिंसा, अपरिग्रह अर करूणा रा संदेश ने मौजूदा दौर मांय ई प्रासंगिक बतायो है। वे गुरूवार ने जयपुर मांय राजस्थान जैन सभा री ओर ऊं मनाया जा रह्या ’अहिंसा पर्व वर्ष 2551’ रा उद्घाटन जळसा मांय बोल रह्या हा। राज्यपाल बागड़े कह्यो के भगवान महावीर रा निर्वाण ने अढाई हजार साल पूरा व्हेवण रे मौके ओ बगत वां री सीख ने आगे बधाता थकां देश रा पूरा विकास सारू काम करण रो है। इण ऊं पैली राजस्थान जैन सभा रा अध्यक्ष सुभाष चन्द जैन ’अहिंसा पर्व’ मनावण री कार्ययोजना री विगतवार जाणकारी दीनी। राज्यपाल भगवान महावीर रा निर्वाणोत्सव ने ’अहिंसा पर्व’ रा तौर ऊं मनावण री सराहवणा कीनी।