राज्यपाल हरिभाऊ बागडे कह्यो है के भणायी लिखाई इंसान ने चोखो बणावे है। वे शुक्रवार ने जयपुर मांय एक गैर-सरकारी विश्वविद्यालय रा दीक्षान्त समारोह मांय बोल रह्या हा। राज्यपाल शिक्षा रे ज़रिए देश अर समाज रा विकास सारू काम करण अर विकसित भारत बणावण रा काम मांय सिरकत करण माथे ज़ोर दीनो। राज्यपाल जूना बगत रा तक्षशिला अर नालंदा विश्वविद्यालयां रो जिक्र करता थकां कह्यो के आं विश्वविद्यालयां मांय भांत-भांत रा विषय भणाया जाता हा अर नुवी शिक्षा नीति मांय ई ईं माथे ज़ोर दियो ज्यो है के विद्यार्थी सगळा विषयां मांय पारंगत व्हे अर वां रो पूरो विकास व्हे। राज्यपाल विश्वविद्यालयां कानी ऊं देशी ज्ञान री परंपरा माथे ध्यान देवण बाबत् ई कह्यो।राज्यपाल ’जयपुर डायलॉग 2024’ रा सालाना जळसा मांय कह्यो के ओ बगत म्हाणी सांस्कृतिक अर सभ्यतागत जड़ां री ओर लौटबा रो है। वे जूना भारत रे वैश्विक व्यापार रो केंद्र रहवण री चर्चा करता कह्यो के प्रधानमंत्री ’आत्मनिर्भर भारत’ री दृष्टि इण ई संदर्भ मांय दीनी है।