राज्यपाल हरिभाऊ बागडे़ री ओर ऊं गुरूवार ने अजमेर मांय ख्वाजा साहब री दरगाह माथे चादर पेश करी ज्यी। राज्यपाल रा परिसहाय प्रवीण नायक अर उप सचिव मुकेश कलाल चादर पेश कर र राज्यपाल रो संदेश बांच र सुणायो। वां रा संदेश मांय श्री बागडे़ ख्वाजा मोईनुद्दीन हसन चिश्ती रा अमन अर मोहब्बत रा पैगाम ने जनता तांई पूगावण बाबत् कह्यो। वे कह्यो के ख्वाजा साहब रो उर्स विविधता मांय एकता री भारत री संस्कृति री मिसाल है।